Nú skal nýtt Team Rynkeby-lið mannast

<p>Team Rynkeby Føroyar skal nú manna&nbsp;nýtt súkklulið, ið skal savna inn pening til krabbameinsrakt børn og familjur teirra á sumri 2015. Í ár vóru 35 súkklarar og 10 hjálparfólk á liðnum.</p>

<p>Áhugað&nbsp;kunnu søkja um at sleppa á føroyska liðið hjá Team Rynkeby&nbsp;fram til 20. august 2014, tá umsóknarfreistin er úti, á heimasíðuni hjá <a href="http://www.team-rynkeby.fo/" target="_blank">team-rynkeby.fo</a></p>

<p>Kostnaðurin, at verða við í súkkluhópinum, er umleið 25.000 krónur. Harumframt skulu súkklararnir eisini savna inn pening hjá fíggjarligum stuðlum.</p>

<p>Síðan 2001 hava súkklarar á liðum hjá&nbsp;Team Rynkeby savnað inn pening til krabbameinsrakt børn og familjur teirra. Í 2013 savnaði Team Rynkeby 23 milliónir krónur inn til endamálið.</p>