Fólk úr londum við ebola sleppa ikki til Kenya

Fólk úr londum við ebola sleppa ikki til Kenya
Heimsheilsustovnurin WHO sigur, at higartil eru 1145 fólk deyð av ebola sjúkuni
 
17.08.2014 - 20:34

Kenya fer at banna ferðandi úr londum, har ebola sjúkan herjar, at sleppa inn í landið.

Bannið kemur í gildi týsdagin og er galdandi fyri ferðafólk, ið koma úr londum í Vesturafrika, har sjúkan herjar. Talan er um Liberia, Sierra Leone og Guinea. Flogfør úr hesum londum sleppa ikki at seta seg í Kenya. Flogfør hjá Kenya Airways hava eisini avlýst allar túrar til Liberia og Sierra Leone frá týsdegnum at rokna.

Floghavnin í Narobi í Kenya er ein týdningarmikil floghavn fyri Afrika.

Sambært heimsheilsustovnuninum, WHO, eru 1145 fólk higartil deyð av ebola. Tilsamans eru 2127 fólk í Guinea, Liberia, Nigeria og Sierra Leone smittað.

Tað finst ongin heilivágur móti sjúkuni, men í løtuni verður ein nýggur heilivágur royndur, fyri at vita, um hann kann stegða sjúkuni. Tríggir afrikanskir læknar hava fingið heilivágin, sum ein amerikanskur lækni eisini fekk, tá hann gjørdist sjúkur av ebola.

Er kopiera
Nýggjastu sendingar í ÚV
Hósdag 27. februar
Góðan morgun Føroyar
188367
Hósdag 27. februar
Morgunlestur hósdagur 27. februar 2025
187867
Mikudag 26. februar
Skratsj 26. februar 2025
188341
Mikudag 26. februar
Mono - Føroyskar perlur (3:4)
188335
Nýggjastu sendingar í SV
Hósdag 27. februar
DOKO1423 - teknmálstulkað
188375
Hósdag 27. februar
Morgunkórið
188372
Mikudag 26. februar
Ein søga um 45 ár
188344
Mikudag 26. februar
Dagur og vika - teknmálstulkað
188292