USA lopið á mál hjá islamska felagsskapinum, IS

USA roynir at hjálpa Irak í bardaganum móti IS, men irakar hava funnist at USA, tí Irak verður ikki tikið upp á ráð. Ibrahim al-Jaafari, uttanríkisráðharri, sigur, at grannalandið Iran ikki varð boðið á toppfundin í París í gjár, har 26 lond samtyktu at fara í hernað móti IS.

Amerikanskin uttanríkisráðharrin, John Kerry, hevur fyrr víst aftur at hava Iran við í átakinum móti IS, tí Iran hevur í áratíggju verið millum ringasta fíggindar hjá USA. USA hevur síðani august lopið 162 ferðir á mál hjá IS í Irak. Frakland upplýsti eftir fund í gjár, at flogvápnið er farið at flúgva kanningarferður í Irak.

Amerikanska fregnartænastan CIA metir, at IS hevur millum 20.000 og 31.000 herfólk.