Katólskur kirkjufundur um eymar spurningar

Frants pávi hevur boðsent tveyhundrað biskuppum at koma í Vatikanið at viðgera nakrar av teimum mest viðkvomu spurningunum í katólsku kirkjuni.

Tað eru spurningar sum fosturtøka, gitnaðarfyribyrging, samkynd og hjúnarskilnað, biskuparnir skulu tosa um, og tað skulu teir ikki bert gera sínámillum, men eisini saman við katólskum kirkjufólki, tí tey vera eisini umboðaði á fundinum. 

Kirkjufundurin ella synodan verður í tvær vikur og næsta ár verður so kalla inn aftur at taka saman um.

Frants pávi segði í gjár, at hann vildi hava biskupparnar at lurta eftir kirkjufólkinum, segði seg vóna, at orðaskiftið fór at vera opið, sannførandi og við atliti til nútíðina.

Meira enn ein milliard katolikkar eru kring heimin og ein kanning, sum Frants í fjør tók stig til, vísti, at meirilutin ikki tekur í álvara kirkjunnar læru um samlegu og fyribyrging.