Fýra umsøkjarar til verkætlanarstarvið

Fýra umsøkjarar til verkætlanarstarvið
Gjaldstovan skal brúka fólk til at gera eina nýggja strategi um, hvussu tænastur hjá tí almenna skulu talgildast
Leif Abrahamsen er stjóri á Gjaldstovuni
 
25.02.2015 - 11:14

Fýra umsøkjarar eru til tíðaravmarkaða verkætlanarstarvið, sum Gjaldstovan hevur boðið út á almenna Keypsportalinum.

Freistin at søkja var mánadagin. 

Ein bólkur við umboðum fyri Gjaldstovuna, Vinnumálaráðið og kommunurnar fer nú at viðgera innkomnu umsóknirnar og ger síðani eina innstilling til stýrisbólkin, sum tekur endaliga avgerð um, hvør skal fáa starvið. 

Taka avgerð fríggjadagin

Tann avgerðin verður tikin á stýrisfundi nú fríggjadagin á middegi, sigur Leif Abrahamsen, stjóri á Gjaldstovuni.

Í stýrisbólkinum sita Leif Abrahamsen, stjóri á Gjaldstovuni, Marjun Hanusardóttir, stjóri á Løgmansskrivstovuni, Bjørgfríð Ludvig, aðalstjóri í Vinnumálaráðnum, Bjarni Askam Bjarnason, aðalstjóri í Fíggjarmálaráðnum, Ólavur Ellefsen fyri Vinnuhúsið, og Eyðun Christiansen, skrivari í kommunufelagnum. 

Gjaldstovan skal brúka fólk til at gera eina nýggja strategi um, hvussu tænastur hjá tí almenna skulu talgildast. 

Tann, sum settur verður, skal hava neyðugar førleikar, útbúgving og royndir. Men dentur verður eisini lagdur á, at tann, sum kann gera arbeiðið fyri lægstu lønina, fær starvið. 

Brot á setanarpolitikkin

Kristina Háfoss, tingkvinna fyri Tjóðveldi, heldur, at hetta er brot á almenna setnarapolitikkin. Hon hevur tí sett Jørgeni Niclasen, landsstýrismanninum í fíggjarmálum, ein grein 52 fyrispurning. Freistin hjá landsstýrismanninum at svara spurninginum er í dag. 

Eisini Búskapar- og Løgfrøðingafelag Føroya heldur, at talan er um brot á almenna setnarapolitikkin og hevur sett Lønardeildini í Fíggjarmálaráðnum nakrar spurningar um verkætlanarstarvið, sum er lýst leyst á Keypsportalinum. 

Leif Abrahamsen, stjóri á Gjaldstovuni, hevur víst aftur, at talan er um starvssetan, tí talan er um at útveita eina tænastu. Og tað er ikki tað sama, sigur Leif Abrahamsen.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592