Samráðingar tiknar uppaftur

Føroyar hava formansskapin og hava boðið strandalondunum til samráðingar. Hetta er fjórða samráðingarumfar, síðani svartkjaftasemjan varð søgd upp í heyst.

Á fundinum í dag fer føroyski formanskapurin at boða strandalondumum frá, at hetta verður seinasta royndin at býta svartkjaftin, skrivar Fiskimálaráðið.

Á samráðingunum luttaka Føroyar, ES, Ísland og Noreg sum strandalond, og Russland er við sum eygleiðari. Samráðingarnar fara fram írska Fiskimálaráðnum í Clonakilty í Suðurírlandi.

Samráðingar byrja í dag og enda hósdagin. Umframt føroyska samráðingartoymið eru eisini umboð fyri sendistovuna í London og felagið Nótaskip við í samráðingunum.