DDKM dygdarskipanin í søguna

Dygdarskipanin Den danske kvalitetsmodel stytt DDKM skal ikki nýtast eftir árskifti, og dygdarrbeiði í heilsuverkinum skal endurskoðast. 

Tað halda Nick Hækkerup, danski heilsumálaráðharrin, og Bent Hansen, formaður fyri Danske Regioner, sambært tíðarritinum Fredag Formiddag.

Donsku sjúkrahúsini og Landssjúkrahúsið í Føroyum, hava seinastu árini nýtt dygdarskipanina DDKM í akkrediteringsarbeiðnum hjá donsku sjúkrahúsunum, sum skal tryggja dygd og trygd í heilsucerkinum. Ein akkreditering er ein skoðan ella ein roynd, og DDKM ásetur krøv, sum sjúkrahúsini skulu virka eftir.

Arbeiðið skal verða einfaldari

Dygdararbeiði hevur við sær ov nógv pappírs- og skrivstovuarbeiði á sjúkrahúsunum við tí úrsliti, at starvsfókini hava ov lítla tíð til sjúklingarnar. Tí skal dygdararbeiði skal gerast einfaldari, siga Nick Hækkerup og Bent Hansen.

Niels Hækkerup sigur, at nógvar atfinningar hava verið frá starvsfókunum av DDKM-skipanini, millum annað av nógva pappírsarbeiðnum, og tað eiga vit at lurta eftir, sigur hann. Hann heldur ikki, at krøvini, sum frameftir skulu setast donsku sjúkrahúsunum, skulu fara í smálutir. Rætt hevði verið at sett nøkur national mál, sum einstaka sjúkrahúsið síðani sjálvt skal finna útav, hvussu tað kann røkka. Tað sigur Nick Hækkerup heilsumálaráðharri í Danmark. 

Landssjúkrahúsið nýtir DDKM

Landssjúkrahúsið í Føroyum hevur í fleiri ár verið í eini tilgongd at skula akkrediterast eftir dygdarskipanini DDKM. Sambært heimasíðuni hjá Landssjúkrahúsinum, skal sjúkrahúsið skoðast eftir hesum leistinum í november 2016.