Undirsjóvartunlarnir leggjast undir Landsverk

Tunlarnir verða nú riknir av hvør sínum partafelagi, sum eisini hevur staðið fyri at byggja teir. Landsverk hevur tó havt ábyrgdina av at góðkenna tunnilsverkætlanirnar mótvegis landsstýrismanninum og hevur havt eftirlit við, at tær vórðu framdar samsvarandi góðkendu ætlanunum. 

Ein av høvuðsuppgávunum hjá Landsverki er at reka og halda vegir, tunlar og brýr. Tí heldur arbeiðsbólkurin, at tað hóskar væl at leggja raksturin av undirsjóvartunlunum til Landsverk at umsita.

Sambært arbeiðsbólkinum verður tað bíligari at reka tunlarnar, um teir verða lagdir undir Landsverk.