Jack Warner vil siga alt, sum hann veit, um FIFA

Hann vil greiða frá øllum, sum hann veit, sum er hent í altjóða fótbóltssamgonguni.

Fyrrverandi varaforsetin í FIFA sigur, at hann hevur prógv, sum kunnu fella fráfarna fótbóltsforsetan, Joseph Blatter.

Les eisini: Dysturin um HM eigur at spælast umaftur

Warner sigur seg hava kekkar og skjøl, sum vísa til Blatter.

Les eisini: Váttar, at teir tóku móti mutri

- Sjálvt ikki deyðin kann steðga omanlopinum, sum fer at koma, segði Jack Warner. - Terningarnir eru kastaðir. Nú vendist ikki aftur. Nú má svíða sum svøllur.

Warner greiddi eisini frá, at tá hann hoyrdi, at Blatter legði frá sær, skrivaði hann í stundini til Blatter og heitti á hann, um at framskunda burturferðina.

- Blatter veit, hví hann fall. Og um nakar annar veit tað, so er tað eg, segði Warner, skrivar CTV-news.