Handtikið fólkasmuglarar í Eysturríki

Myndugleikarnir hava funnið 200 flóttafólk og handtikið fimm fólkasmuglarar í samband við eftirlit við lastbilum við markið har eystri í landinum

Løgreglan í Eysturríki hevur handtikið fimm fólkasmuglarar í samband við eftirlit við lastbilum. Løgreglan kannar lastbilar við markið til Ungarn, og bíðirøðin er 20 kilometrar

Mynd: AP

Leivur Frederiksen

Bjarni Mohr

31.08.2015 - 12:48

Tað upplýsir Johanna Mikl Leitner, talskvinna fyri eysturríska innanríkismálaráðið. Eysturríki hevur seinastu dagarnar hert eftirlitið munandi við bilum, sum kunnu brúkast til fólkasmugling.

Ein avleiðing er, at bilar standa í 20 kilometur langari bíðirøð á motorvegnum úr Ungarn til Eysturríki. Eysturrískir myndugleikar siga tó, at eftirlitið heldur fram.

Greinin heldur fram niðanfyri

Update - Hungarian road operator says M1 motorway leading to #Austria has queues for around 12 miles due to tightened border controls
— Sky News Newsdesk (@SkyNewsBreak) August 31, 2015

- Hvør einasti ein bilur, ið møguliga kann brúkast til fólkasmugling verður kannaður, sigur Johanna Mikl Leitner.

Hósdagin funnu eysturrísku myndugleikarnir ein lastbil við 71 deyðum flóttarfólkum. Fimm fólk eru handtikin í samband við tað málið. Fýra fólk úr Bulgaria og ein úr Afganistan.