ISIL oyðilagt 2000 ára gamalt tempul í Sýria

Fylgisveinamyndir, sum ST hevur almannakunngjørt, vísa, at høvuðsbygningurin í gamla Bel-templinum er lagdur í oyði. Templið er 2000 ára gamalt og var kent fyri at vera í góðum standi.

Palmyra stendur á listanum hjá Unesco fyri heimsarv, sum skal varðveitast. Býurin verður ofta nevndur Perlan í Oyðimørkini.

ISIL hertók Palmyra frá sýrisku stjórnardeildunum fyrr í ár. Fyri tveimum vikum síðan hálshøgdu fólk hjá ISIL tann 82 ára gamla fornfrøðingin, Khaled Assad, sum í yvir 40 ár var leiðari fyri fornminnini í Palmyra.