Framvegis lítið til av toski á Føroya banka

Bara 37 toskar í 29 hálum.

Tað varð úrslitið, nú Magnus Heinason var sína árligu kanningarferð á Føroya banka. Í september í fjør fekk Magnus Heinason 44 toskar á bankanum.

Fyribilsúrslitið hjá Havstovuni er, at framvegis er sera lítið av toski á Føroya banka.

Minni er av hýsu, men meira av upsa enn í fjør. 

Magakanningarnar vístu, at nakað er til av bæði smáari og stórari nebbasild, men minni av krabbdýrum enn í fjør.