Lidnir at kanna arbeiðsvanlukku á Eystaru bryggju

Lidnir at kanna arbeiðsvanlukku á Eystaru bryggju
Fríggjanáttina er eitt ár síðani, at 22 ára gamli Gunnar Zachariasen doyði, tá hann fekk ein platt av frystum makreli á seg
 
23.09.2015 - 11:05

Í hesari vikuni verður Arbeiðseftirlitið liðugt við sína niðurstøðu um vanlukkuna í lastini á grønlendska trolaranum Ilivileq.

Fríggjanáttina er eitt ár síðani, at 22 ára gamli Gunnar Zachariasen doyði, tá hann fekk ein platt av frystum makreli á seg.

Tað var um eitt-tíðina um náttina 25.september í fjør, at menn vóru til arbeiðis í lastini á Ilivileq, sum umskipaði frystan makrel við Eystaru bryggju í Havn. 

Doyði á staðnum

Tá ein plattur var á veg upp úr lastini, brotnaði hann, og fiskurin datt niður aftur í lastina, har Gunnar Zachariasen fekk hann á seg. Hann doyði á staðnum.

Arbeiðseftirlitið hevur síðani kannað, um vanlukkan er brot á arbeiðsumhvørvislógina og kunngerðir, sum eru gjørdar sambært lógini. 

Tað arbeiðið er nú liðugt, og niðurstøðan og eitt tilmæli verða latin politinum í dag ella í morgin, sigur Leivur Persson, leiðari á Arbeiðseftirlitinum.

Eingin ivi um niðurstøðuna

Av tí at talan er um deyðsvanlukku vil Arbeiðseftirlitið hava fulla vissu fyri, at eingin ivi er um niðurstøðuna. 

Tí eru ástøðini, sum kanningarnar hjá Arbeiðseftirlitinum hava ført til, roynd við rekonstruksjónum. 

Leivur Persson sigur, at hetta málið er torgreitt, og tí hevur tað tikið sína tíð at avgreiða.   
 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592