Oljan eisini bílig í nýgga árinum

Líkt er til, at lági oljuprísurin fer at halda sær langt inn í 2016, og at oljuprísurin ikki hevur verið so lágur síðani í 2004.

Bæði amerikanska skiferoljan og oljan úr Norðsjónum hava seinastu tíðina verið seldar fyri sama prís, góðar 37 dollarar fyri tunnuna.

Og nú olja, sum skal latast í februar, verður seld, er gongdin tann sama. Prísurin er millum 37 og 38 dollarar, 255 kr., fyri tunnuna.

Atlantic Petroleum

Lági oljuprísurin er farin sera illa við Atlantic Petroleum.

EIk banki skal ikki vænta at fáa allar pengarnar aftur, sum bankin hevur lænt Atlantic Petroleum. 

Tað boðaði oljufelagið keypsskálanum í Oslo frá mikukvøldið.  

Atlantic Petroleum hevur lænt 58 milliónir  krónur frá Eik.

19,5 milliónir skuldu fella til gjaldingar í desember í fjør, og tað er hesin avdrátturin, sum oljufelagið ikki megnaði at rinda.