»Pápi« teldupostin deyður | Kringvarp Føroya

»Pápi« teldupostin deyður

Maðurin, sum longu í 1971 uppfann eina skipan, ið seinni mentist til teldupostsamskifti, er deyður

Amerikanski forritarin, Ray Tomlinson, ið uppfann teldupostsamskiftið, sum vit brúka tað í dag, er deyður, 74 ára gamal

07.03.2016 - 08:44

Pápi sjálvan teldupostin er deyður. Ray Tomlinson, sum uppfann teldupostin, er deyður av hjartilburði. Tað skrivar The Telegraph.

Greinin heldur fram niðanfyri

Email inventor Ray Tomlinson dies aged 74 https://t.co/qcGSZOxR7v pic.twitter.com/FSBhIXEhfu
— Telegraph Technology (@TelegraphTech) March 6, 2016

Tomlinson menti eina skipan, sum hevði við sær, at tú kundi senda boð millum teldur longu í 1971. Hann sendi sjálvur fyrsta teldupostin millum tvær teldur í sama rúmi um sonevnda ARPA-netið.

Nærum líka so stór var avgerðin hjá honum at brúka teknið @ fyri at skilja millum navnið á tí, sum fekk teldupostin, og domenið (til dømis @kvf.fo) í einum telduposti.

Inn til tá hevði @-teknið mest verið nýtt í bókhaldi. Og ikki var nógv gjørt burturúr uppfinningini hjá Tomlinson í fleiri ár.

Men í 1994 spurdi onkur, hvør í veruleikanum hevði uppfunnið teldurpostin. Roy Tomlinson, ið uppfann teldupostin, varð 74 ára gamal.