- Tíðindi, mentan og ítróttur
Halda fram at bumba í Sýria
Halda fram at bumba í Sýria
Hóast Russland er farið at taka flogfør og herfólk aftur úr Sýria, fara russar framvegis at bumba yvirgangsmál í krígsherjaða landinum
Russisk flogfør fara framvegis at søkja at støðum hjá yvirgangsmonnum í Sýria, hóast Russland er farið at taka hernaðarútgerð aftur úr landinum, sigur russiskur embætismaður
Mynd: AP
15.03.2016 - 16:28
- Úrslit eru rokkin, og nú er ein veruligur møguleiki fyri at fáa enda á krígnum, sigur russiski varaverjumálaráðharrin, Nikolai Pankov, fyri tíðindastovuni Tass.
Hinvegin er ov tíðliga at siga, um vunnið er á yvirganginum, heldur Pankov. Russisk flogfør fara framvegis at fremja álop á støðir hjá yvirgangsmonnum, sigur hann.
SÍ EISINI Russland riggar av í Sýria
Pankov minnir á, at vápnahvíldin, sum kom í gildi 27. februar, og sum bæði USA og Russland tóku undir við, umfatar ikki Islamskan Stat ella Nusra-fylkingina, sum er partur av al-Qaeda.
Í gjár boðaði Vladimir Putin, forseti, frá, at ein stórur partur av russisku deildunum í Sýria verður tikin aftur.
Er kopiera
Nýggjastu sendingar í ÚV
Nýggjastu sendingar í SV
