Nógvar kvinnur siga seg hava verið fyri ágangi

Sjeynda hvør kvinna í Føroyum er neyðtikin ella hevur verið fyri neyðtøkuroynd. Tað vísir ein spurnarkanning, sum spyr.fo hevur gjørt fyri blaðið Kvinnu.

Roknað í tølum merkir tað, at 2272 kvinnur hava verið fyri neyðtøku ella neyðtøkuroynd. Triðja hvør kvinna hevur upplivað kropsligan ágang sambært kanningini.

Fjórða hvør av teimum spurdu kvinnunum í kanningini hevði upplivað munnligan ella skrivligan ágang, har kvinnurnar hildu, at farið varð um mark.

Bara trý prosent av kvinnunum hava meldað kynsliga ágangin, vísir kanningin, sum spyr.fo gjørdi fyri blaðið.