Nógv fleiri sigla til Suðuroyar og Nólsoyar

Fleiri og fleiri ferðafólk sigla við Smyrli og Ternuni.

Tað vísa tøl frá Strandferðsluni.

Bæði á Suðuroyarleiðini og á Nólsoyarleiðini var stórur vøkstur í ferðafólkatalinum í apríl í ár samanborið við apríl í fjør.

20.268 ferðafólk fóru við Smyrli í apríl í ár,  2000 fleiri enn í apríl í fjør.

Taka vit fyrstu fýra mánaðirnar í ár, so hava sløk 72.000 fólk ferðast við Smyrli.

Vøksturin er knappliga 13 prosent. 

Eisini á øðrum leiðum

Við Ternuni um Nólsoyarfjørð fóru 7.392 fólk í apríl í ár, góð 2.200 fleiri enn sama mánað í fjør.

Frá januar til og við apríl í ár sigldu sløk 26.000 fólk við Ternuni um Nólsoyarfjørð, næstan 25 prosent fleiri enn í fjør..

Fyrstu fýra mánaðirnar í ár nýttu góð 57.000 fólk Sandoyarleiðina. Tað er góð 5.500, 11 prosent,  fleiri enn sama tíðarskeið í fjør .

Eisini á Kalsoyarleiðini og Svínoyarleiðini eru fleiri ferðafólk í ár.