Fleiri vilja røkja lærarastørv

Fleiri vilja røkja lærarastørvini sum Mentamálaráðið lýsti leys fyrr í ár. Talan var um skúlastjórastarvið í Tvøroyar skúla og Vestmanna skúla, umframt einalærarastarvið í Haraldssunds skúla og Fámjins skúla og útoyggjalærarastarvið í Svínoyar skúla.

Flest umsóknir vóru til einalærarastarvið í Haraldssunds skúla; 11 vilja taka tað starvið á seg. 

Næst flestar umsóknir vóru til útoyggjastarvið í Svínoyar skúla; har 7, kunnu hugsa sær starvið. 

Skúlastjórastarvið í Vestmanna skúla og skúlastjórastarvið í Tvøroyar skúla eru ávikavist 4 og 3 umsóknir til; somuleiðis eru 3 umsóknir til einalærarastarvið í Fámjins skúla, sæst á heimasíðuni hjá Skúlablaðnum.