Hægstirættur staðfesti dómin

Heilsumálaráðið tapti eisini trætumálið við danskar myndugleikar í Hægstarætti í dag. Føroyskir myndugleikar skulu rinda fyri viðgerðardómin hjá einum útlendskum sjómanni.

Frammanundan hava landsstýrið og Heilsumálaráðið tapt málið bæði í Føroya rætti og landsrættinum.

SÍ EISINI Dómur staðfestur: Heilsumálaráðið skal gjalda

7.apríl í fjør fekk Region Hovedstaden góðar 10 milliónir og 250.000 kr. úr landskassanum sambært dóminum hjá Eystara landsrætti.

Men landsstýrið kravdi at fáa góðar 3,8 milliónir kr. aftur umframt rentu frá 7. apríl í ár at rokna. Filipinski sjómaðurin var við føroyskum skipi.

Føroya rættur dømdi mannin í viðgerð í Danmark, hóast tað sambært løgtingslóg er føroyska sjúkrahúsverkið, sum avger, hvør skal í viðgerð uttanlands.