Gongur væl í Nes kommunu

Tá eru íløgurnar á knappar 5,5 milliónir krónur taldar við. Tað vísur frágreiðingin um roknskapin fyri í fjør, sum kommunan hevur lagt á heimasíðuna og sent húskunum í kommununi.

Bruttoinntøkurnar frá skatti og øðrum inntøkum vóru 48 milliónir og 143.000 krónur.

Kommunan fekk munandi meira inn í partafelagsskatti, enn mett. Upprunaliga varð mett, at partafelagsskatturin fór at verða áttahundraðtúsund krónur, men tá avtornaði, var hann knappar 2.3 milliónir krónur.

Skattaprosentið í Nes Kommunu í fjør var var eins og undanfarin ár 20,5%.

Fólkatalið í kommununi stóð at kalla í stað í fjør, og var við árslok 1237 fólk. Men higartil í ár er fólkatalið vaksið, tí fyrsta juni í ár búðu 1255 fólk í Nes kommunu, sæst á heimasíðuni hjá kommununi.