Viðganga seg helst sekar

Talan verður sostatt um eina sonevnda játtanarsak, upplýsir løgreglan í morgun. Tað var um tveytíðina í gjár, at sjóverjuskipið Brimil kom framá partrolararnar.

Tá illgruni var um, at teir royndu á eini stongdari leið eystan fyri, fingu skipini boð um at hála og at sigla á Havnina saman við Brimli.

Skipini komu á Havnina um tíggjutíðina í gjárkvøldið. Løgreglan hevur kannað veiðu og reiðskap, og er komin eftir at virði á tí er um hálva millión krónur.

Hvør bótin verður, sum skipini fáa er ikki greitt, hon verður ásett av ákæruvaldinum fyrrapartin. Tá talan er um játtanarsak, fer málið ikki í rættin.