Meiri makrelur í Norðurhøvum

Ein triðingur meira er til av makreli í ár enn í fjør. 

Úrslitið av árligu kanningunum hjá Føroyum, Noregi og Grønlandi í summar er kunngjørt á fundi hjá ICES í Keypmannahavn. 

Eitt stórt øki í Norðuratlantshavi er kannað. 

Meira enn 10 mió. tons

Metingin er, at 10,2 milliónir tons eru av makreli. Hetta eru 32,5 prosent meira enn í fjør, boða fiskirannsóknarstovurnar í Noregi og Íslandi frá. 

10,2 milliónir tons eru tað mesta, síðani hesar kanningar byrjaðu í 2007. 

Árgangirnir 2010 og 2011 eru størstir í ár. 

Nú er meira makrelur norðanfyri, vestanfyri og í ein útnyrðing, eisini í íslendskum sjógvi og grønlendskum sjógvi. 

Heitari sjógvur

Kanningarnar vístu eisini, at sjógvurin er eitt-tvey stig heitari í erva enn í fjør. 

Tróndur í Gøtu og Finnur Fríði vóru við í kanningunum fyri Føroyar.