Statoil borar eftir jarðhita í Íslandi

Statoil skal bora heimsins heitasta jarðhita-royndarbrunnin í Íslandi. Endamálið er at fáa glóðheitt vatn úr jørðini, sum skal nýtast til orku.

Holið verður borað á Reykjanesi, og Statoil samstarvar við íslendsk feløg um ætlanina.

Ísland er fremst í heiminum, tá ræður um jarðhita, og í løtuni verða kanningar gjørdar, áðrenn borurin verður settur í.

Statoil vísir á, at jarðhiti er ein orkukelda, sum stórt virði er í.

Bora fimm kilometrar

Henda ætlanin miðar eftir at greina, hvussu hiti kann fáast til vega við at bora langt niður, einar fimm kilometrar, verður tosað um. Har er dampur, sum er um 400 til 500 stig, og sum jørðin hitar. 

Ætlanin er, at dampurin skal fáast upp, og síðani gerast um til ravmagn í dampturbinum.

Ætlanin er at bora í ár, og síðani skulu royndir gerast, skriva norskir miðlar.