Túsundtals flóttafólk bjargað í Miðjarðarhavinum

Italska sjóverjan og onnur bjargingarlið bjargaðu leygardagin fleiri enn 2.100 flóttafólkum í Miðjarðarhavinum, upplýsir tíðindastovan, Ritzau.

Meðan túsundtals flóttafólk um vikuskiftið vórðu bjargað, vóru tað eisini hundraðtals onnur flóttafólk, sum ikki vóru líka heppin.

Bara eftir tveimum samdøgrum hava 240 flóttafólk latið lív havinum útfyri Libya, sigur IOM, Altjóða felagsskapurin fyri flyting hjá Sameindu tjóðum.

Hartar evropeisku londini

Nógv fleiri flóttafólk kundi verðið bjargað, um evropeisku londini tóku ímóti fleiri flóttafólkum, sigur Filippo Grandi, flóttafólkahákommisserur hjá ST.

- Miðjarðarhavið er lívshættisligt fyri flóttafólk, men tey hava ongan annan møguleika, sigur Filippo Grandi í kjalarvørrinum á hendingunum síðstu dagarnar.

Ongantíð áður hava so nógv flóttafólk og migrantar latið lív í ferðini tvørtur um Miðjarðarhavið sum í 2016. Higartil í ár eru umleið 4.200 fólk deyð.

More than 239 migrants believed drowned in two shipwrecks off coast of Libya, migration officials say https://t.co/smFduvoDef

— BBC Breaking News (@BBCBreaking) November 3, 2016