Tingmaður vil vita, hvat gekk fyri seg

Sirið Stenberg, landsstýriskvinna, fer á løgtingsfundinum í dag at svara einum fyrispurningi um góðkenningina av havnarútbyggingini í Havn.

Jacob Vestergaard í Fólkaflokkinum spyr Sirið Stenberg, hvat hon heldur um orðavalið hjá aðalstjóranum, og um málið fær avleiðingar fyri onnur starvsfólk í Heilsu- og innlendismálaráðnum.

Landsstýriskvinnan góðkendi nógv umrøddu havnarútbyggingina í Havn, men seinasta orðið í málinum var ikki sagt tá.

SÍ EISINI Aðalstjóri leyp framav

Eftir at skrivið við góðkenningini var farið úr Heilsu- og innlendismálaráðnum, boðaði landsstýriskvinna nakrar vikur seinni frá, at hon hevði ikki góðkent skrivið, sum varð sent Tórshavnar kommunu. 

Málið endaði við, at Anni á Hædd, deildarstjóri, varð flutt í starv sum løgfrøðiligur ráðgevi á Umhvørvisstovuni.

Neyðugt er at fáa greiði á, hvat hevur gingið fyri seg í Heilsu- og innlendismála­ráðnum, fyri at endurreisa álitið á politisku skipanina, sigur Jacob Vestergaard í viðmerkingum til spurningum.