Eldur í Hovi: Kyndi við timbri í kjallaranum

Kaminan gjørdist ov heit, tí kynt varð við timbri í kjallaranum, og tí kom eldur í eini sethús í Hovi um ellivu-tíðina fyrrapartin í gjár. 

Politiið sigur, at húsini eru so illa farin, at tey kanska skulu takast niður.

Ein kvinna var inni, tá eldur kom í, men hon slapp út í øllum góðum. 

Kanningarnar hjá politinum í húsunum halda fram í dag.