Løgreglan: Ein maður framdi atsóknina

Tað var ein einsamallur maður, sum framdi atsóknina í forhøllini í Manchester Arena í gjárkvøldið, har amerikanska sangkvinnan Ariana Grande hevði konsert.

Maðurin skeyt eina spreingiløðing og doyði í atsóknini, upplýsti bretska løgreglan á tíðindafundi fyri løtu siðani. Løgreglan sigur, at 22 fólk eru deyð, teirra millum eru eisini børn, og umleið 60 fólk eru særd.

SÍ EISINI Minst 22 deyð í spreinging

Tað er óvist, um onnur eisini høvdu samband við atsóknina, men gerningsmaðurin var einsmallur í forhøllini í Manchester Arena, sigur løgreglan, ið kannar málið sum eina yvirgangsatsókn.

Bretska trygdarnevndin kemur saman til fundar í hjá Theresu May, forsætisráðharra, í Downing Street klokkan 10 fyrrapartin.