Kanningararbeiðið byrjað

Løgreglan er longu byrjað at gera fyrstu kanningarnar eftir eldsbrunan á Varðanum Pelagic fríggjadagin. Tað sigur Jaspur Vang, økisleiðari hjá løgregluni í Suðuroy.

Tær fyrstu avhoyringarar eru longu gjørdar, og løgreglan hevur tosað við fólk. Tað segði Jaspur Vang, økisleiðari, millum annað við útvarpið klokkan 10 í morgun.

Kanna brandstaðið seinni

Seinni í dag fer løgreglan at kanna brandstaðið. Enn er ov tíðliga at siga, hví eldur kom í uppsjóvarvirkið, Varðan Pelagic, fríggjamorgun, sigur løgreglan.

Trygdarfrástøðan er framvegis 300 metrar. Klokkan 11 fara myndugleikarnir á staðnum at geva nærri kunning um eldsbrunan á Tvøroyri.

Klokkan 11 verður eisini greitt, um trygdarfrástøðan uppá 300  metrar verður tikin burtur, og um fólk, sum máttu rýma frá húsum í gjár, sleppa aftur til húsa.