Fyrrverandi leiðslan fríkend

Fyrrverandi leiðsla og nevnd í Amagerbanknum í Danmark eru fríkend í málinum um risastórt endurgjald, sum Fíggjarligt Støðufesti vegna danska statin hevði lagt ímóti leiðsluni.

Til samans 900 milliónir krónur var endurgjaldskravið, men hesum sleppur leiðsla og nevnd undan - tað hevur rætturin í Lyngby avgjørt í morgun. Leiðslan í kollsiglda Amagerbanken er fríkend.

Somuleiðis er greitt, at Fíggjarligt Støðufesti skal rinda sakarmálskostnaðin, sum er umleið 75 milliónir krónur. 61 rættarfundir hava verið, tann fyrsti í apríl í fjør. Fíggjarligt Støðufesti seldi í 2011 sunnu leivdirnar av Amagerbankanum til BankNordik.