Nógvar fráboðanir um rottu

Nógvar fráboðanir um rottu
Tórshavnar kommuna hevur í ár fingið munandi fleiri fráboðanir um rottu enn kommunan hevur fingið tey síðstu árini
Tórshavnar kommuna hevur higartil í ár fingið nógv fleiri fráboðanir frá fólki, sum hava sæð rottu, enn kommunan hevur fingið tey síðstu árini, sigur kommunan
 
19.06.2017 - 11:54

Tórshavnar kommuna hevur higartil í ár fingið meira enn 100 fráboðanir um rottu frá fólki í kommununi, skrivar Tórshavnar kommuna á heimasíðuni, torshavn.fo

Tað eru munandi fleiri fráboðanir enn komman hevur fingið tey síðstu árini. Tí rópar høvuðsstaðarkommunan nú varskó við einum átaki, har heitt verður á fólk um at fara í hernað ímóti rottu.

Verandi rottukunngerðin, sum er frá 192, er ótíðarhóskandi og skal tí dagførast í næstum. Nýggja kunngerðin er í løtuni til hoyringar, har hon er til 23. juni.

11 oyggjar eru rottufríar

Rottufríu oyggjarnar í 2017 eru Fugloy, Svínoy, Kalsoy, Nólsoy, Hestur, Koltur, Sandoy, Mykines, Skúvoy, Stóra Dímun og Lítla Dímun og hólmarnir Mykineshólmur, Trøllhøvdi, Tindhólmur og Gáshólmur.

Kunngerðin sigur, at kommunustýri skal seta upp skelti á fleiri tungumálum við kunning um rottu, fráboðanarskyldu og rottufyribyrgjandi tiltøk á farstøðum, bryggjum og tyrlupallum, haðani farið verður til rottufría oyggj.

Umhvørvisstovan samskipar fyribyrging og rottutýning, og hon hevur heimild at áleggja kommunustýrum at skipa rottutýningina eftir ávísum leisti. Ein árlig frágreiðing skal gerast um rottufyribyrging og rottutýning.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592