Rannvá og Niclas í hálvfinaluni

Badmintonspælararnir hava úr at gera í dag, og nógvir dystir eru á skránni. Fyri lítlari løtu síðani spældu Rannvá Djurhuus Carlsson og Niclas Eysturoy seg í hálvfinaluna í blandaðum tvímansleiki. 

Tey vunnu dystin 2-0 við settúrslitunum 21-13 og 21-14 í móti Grønlandi. Tað var ongantíð nakar ivi um, at føroyingarnir fóru at vinna dystin, tí tey bæði høvdu tamarhald allatíðina, og vunnu tey eisini greitt.

RannvaCarlssonogNiclasEysturoy.jpg

Umframt hálvfinalu í blandaðum tvímansleiki, skal Rannvá Djurhuus Carlsson eisini spæla hálvfinalu í einmansleiki í dag. Tað skal Bartal Poulsen eisini. 

So um alt gongst eftir vild, er møguleiki fyri, at Føroyar verða í finalunum í einmansleiki hjá bæði monnum og kvinnum og í blandaðum tvímansleiki.