Brek í el-veiting beindi fyri neytum á Norðoyri

Tað var brek í einari gamlari el-inlegging, sum gjørdi av við átta ungneyt í einum gomlum fjósi a Norðoyri tann 18.juli.

Sjey kvígur, sum skuldu setast við, og ein tarvur doyðu.

Tey vóru annars seld, og keyparin skuldi koma eftir teimum vikuskiftið fyri hendingina, sum var ein týsdag. 

Men hann fekk forfall, og tí vóru ungneytini framvegis í fjósinum, tá óhappið hendi.

Stórur missur

Missurin er stórur, tí ikki ber til at tryggja neyt, sigur stjórin á Búnaðarstovuni, Tróndur Leivsson.

Vanliga metingin er, at eitt ungneyt kostar millum 6.000 og 8.000 kr.

Tey átta ungneytini vórðu brend hjá IRF á Hagaleiti.