Heilsuskúlin í Suðuroy bjóðar heilsustarvsfólkum at lesa ein part í Havn

Heilsuskúli Føroya, sum er staðsettur í Suðuroy, boðar frá eini royndarskipan. 

Nú ber til at søkja inn á tveir flokkar, har partur av undirvísingini verður í Havn. 

Tað er galdandi fyri ein flokk við heilsuhjálparum, og fyri ein flokk av heilsurøktarum. 

Sjálvt um stórur partur av frálæruni fer fram í Havn, so verður framvegis neyðugt at fara til Suðuroyar.

Hesir báðir flokkarnir eru enn bara ein royndarskipan. Vivie Davidsen, skúlastjóri, sigur, at støða ikki er tikin til, um tilboðið heldur fram.