Seksualitetur og fólk, sum bera brek

Evnið á ráðstevnuni er kynsligur ágangur og sexualitetur hjá fólki, sum bera brek. 

Almanna og heilsumálaráðið skrivar, at endamálið at staðfesta, at fólk, sum bera brek, eisini hava rætt til eitt kynslív.

Og at fólk, sum bera brek, kunnu vera í størri vanda, enn onnur fólk, fyri at vera fyri kynsligum ágangi.

Fyri mismuni

Tað er trupult at tosa um kynsligan ágang og annan harðskap.

Uppaftur truplari vísir tað seg at vera, tá viðkomandi, sum er fyri ágangi, ber eitthvørt brek. 

Tí skipar Almannamálaráðið/Sig frá, saman við Nordisk Velfærdscenter, fyri slóðbrótandi norðurlendsku ráðstevnuni, sum skal varpa ljós á hesi viðurskifti.

Nýggir filmar

Um 20 fólk úr øllum Norðurlondum hava framløgur og fyrilestrar um mong ymisk evni, eit nú kynslív og brek, kynslív og persónligur stuðul, rættindi, skyldur og fyribyrging. 

Á ráðstevnuni verða eisini sýndir nýggir filmar, og undirvísingartilfar lagt fram.

Ráðstevnan, Brót Tabu'ið er í 2 dagar. Í dag er fokus serliga norðurlendsk viðurskifti, og í morgin serliga føroysk viðurskifti.