Serlæknar hava minni privat virksemi

Serlæknar hava minni privat virksemi
Serlæknarnir í Føroyum hava væl minni privat virksemi eftir vanliga arbeiðstíð, enn teir hava havt. Tað vísa hagtøl hjá Heilsutrygd
 
17.11.2017 - 11:37

Serlæknar í Føroyum fara ikki altíð til hús, tá klokkan slær fýra ella fimm. Fleiri av læknunum, sum starvast í almenna heilsuverkinum, hava privat virksemi eftir vanliga arbeiðstíð.  

Og tó. Virksemið er ikki meira privat enn so, at læknarnir fáa løn fyri tænasturnar frá Heilsutrygd, og sjúklingarnir, sum teir taka inn, eru ávístir av kommunulækna.

Minkandi privat virksemi

Hagtølini hjá Heilsutrygd yvir tey seinastu fimm árini vísa, at privata virksemið hjá serlæknunum er minkað nógv.

Í fjør veitti Heilsutrygd góðar tvær milliónir til hetta virksemið hjá serlæknunum. Fyri fimm árum síðan var talið fimm milliónir. Tað vil siga, at virksemið bara er 40% av tí, sum tað var í 2011.

Táverandi landsstýrismaður, Karsten Hansen, helt útreiðslurnar vera alt ov høgar og vildi hava betri stýring á útreiðslunum.

Og hetta hevur eftir øllum at døma eydnast, tí seinastu tvey árini hava serlæknarnir tilsamans bara fingið 2 milliónir krónur árliga fyri privata virksemið.

Eygalæknar og plastikkirugi

Størsta upphæddin fer til eygnalæknar. Uppgerðin hjá Heilsutrygd vísir, at eygnalæknarnir fingu yvir 900.000 krónur til privata virksemið í fjør, tað vil siga næstan helvtina av samlaðu upphæddini.

Ein annar stórur postur er plastikkskurðlæknar, sum fingu gott 600.000 krónur í fjør. Og so fara 200.000 krónur til neuromedisin.

Sjúklingar, sum fáa viðgerð í hesari skipanini hjá serlæknum, eru ikki teir, sum hava privatar viðgerðartryggingar. Teir sjúklingarnir verða viðgjørdir á privatsjúkrahúsi ella privatum viðgerðarstovum.
 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592