Møgulig bumbuhóttan á DTU

Økið rundan um tekniska universitetið í Ballerup í Danmark bleiv fyrr í morgun sperrað av løgregluni.

Orsøkin er, at danska løgreglan tíðliga í morgun fekk fráboðan um eina møguliga bumbuhóttan, og tí verður alt økið kannað.

Stutt eftir fráboðanina var løgreglan á skúlanum, sum bleiv tømdur fyri fólkum og stongdur.

Undirvísingin var tó ikki byrjað tá, og tí bleiv ikki talan um at evakuera næmingar og starvsfólk. Tað sigur Claus Buhr, sum er samskiftisfólk á skúlanum.