Má leiga eldrabúpláss frá øðrum kommunum

Bara samstarvið VEKS hevur pláss at leiga Havnini.

Talan er um tvey pláss í Korndalsbýlinum á Eiði, trý pláss á Grønanesi í Vestmanna og fýra pláss á Mørkini í Streymnesi.

Tey fýra umlættingarplássini á Mørkini eru leigað síðani í mars fyri 1990 krónur um samdøgrið.

Tórshavnar kommuna hevur bara pengar til at leiga fýra pláss í ár. Fýra milliónir eru í fíggjarætlanini til nýggjan umlættingardepil í Havn, men hann verður ikki liðugur í ár.

Nú vil VEKS samstarvið hava at vita, um leigusáttmálin skal halda fram næsta ár.

Býráðið í Havn fer í annaðkvøld at avgera, at fýra milliónir krónur skulu setast av í fíggjarætlanini fyri 2019, so leigast kann frá VEKS eisini næsta ár.