Løgreglumaður skal 15 ár í fongsul

Ein løgreglumaður í amerikanska býnum Dallas í statinum Texas er dømdur 15 ára fongsul fyri at hava dripið ein óvápnaðan, svartan tannáring í einum bili nærindis Dallas í apríl í fjør.

Frammanundan var Roy Oliver funnin sekur í ákæruni at hava dripið 15 ára gamla Jordan Edwards. 

Nevningarnir í rættinum í Dallas vístu uppáhaldinum hjá løgreglumanninum aftur. Hann segði, at hann skeyt 15 ára gamla Jordan Edwards, tí ein starvsfelagi var í vanda.

Men starvsfelagin hjá Roy Oliver, Tyler Cross, segði í rættinum, at hann kendi seg ongantíð hóttan. 

Roy Oliver starvast ikki longur sum løgreglumaður.

Málið er óvanligt, tí tað er sjáldsamt, at amerikansk løgreglufólk verða dømd fyri dráp. 

Síðani 2005 eru bara seks løgreglufólk dømd sek fyri dráp, meðan tey vóru til arbeiðis. 

Fýra av dómunum eru seinni broyttir.