Inntøkan hjá norskum oljurisa vaksin við 62 mia. kr. fyrsta ársfjórðing

Inntøkan hjá oljufelagnum, sum norski staturin er høvuðseigari av, vasks við 62 milliardum krónum fyrsta ársfjórðing í ár.

Tað er ein vøkstur upp á 13 prosent.

Sambært ársfjórðingsrokniskapunum hjá Equinor seinastu árini, hevur oljufelagið forvunnið nógvan pening, tá Russland gjørdi innrás í Ukraina.

Tá vaks serliga gass-prísurin, tí kríggið í Ukraina hevði við sær, at einki gass longur fór ígjøgnum gassleiðingarnar úr Russlandi um Ukraina.

Omanfyri 100 krónur

Áðrenn USA og Ísrael lupu á Iran í februar var prísurin fyri eina tunnu av olju millum 60 og 70 dollarar. Seinastu vikuna hevur prísurin verið omanfyri 100 dollarar fyri tunnuna. 

Tað er stongsulin av Hormuzsundinum, sum er orsøkin til, at oljuprísurin er vaksin nógv um allan heim. Tí ein fimtingur av heimsins olju fer vanliga ígjøgnum Hormuzsundið.

Tað kostar ikki meira pening hjá norska oljufelagnum at framleiða olju nú samanborið við áðrenn kríggið brast á, tí hava øktu prísinir við sær meira pening á botnlinjuni.

Sambært einum greinara hjá norska kringvarpinum, NRK, hevur Equinor yvir 5 milliónir danskar krónur meir í vinningi um mánaðin nú í mun til áðrenn kríggið brast á í Iran.