- Landið skal virða sjálvræðið hjá kommunum

31.08.2018 - 09:31
AktueltPolitikkur
- Landið skal virða sjálvræðið hjá kommunum
Jógvan í Skorini, borgarstjóri á Eiði, heldur, at kommunurnar sjálvur skulu gera av, um tær vilja samstarva við onnur um eldraøkið ella ikki.
 

Landið skal virða sjálvræðið hjá kommununum. Kommunurnar skulu sjálvar sleppa at gera av, um tær vilja samstarva við onnur um eldraøkið, og hvønn tey vilja samstarva við.

Tað sigur Jógvan í Skorini, borgarstjóri, nú Eiðis kommuna hevur havt býráðsfund um samstarvið innan eldraøkið.

Snýr seg um kommunala sjálvræðið

- Kommunala sjálvræðið skal virðast, og tað skal ikki verða tvungið samstarv. Kommunurnar skulu sjálvar velja, um tær ynskja at samstarva um eldraøkið ella ikki, sigur Jógvan í Skorini. 

Men tað merkir ikki, at Eiðis kommuna, sum er partur av VEKS samstarvinum, sum er millum Vestmanna kommunu, Sunda kommunu, Kvívíkar Kommunu og Eiðis kommunu, vil sleppa burturúr samstarvinum.

- Vit hava eitt væl skipað VEKS-samstarv. Tað snýr seg um, at landspolitikarar hava álit á kommunalpolitikarum, og at kommunala sjálvræðið verður virt, sigur Jógvan í Skorini, borgarstjóri á Eiði.

Lógin áleggur kommunum at samstarvast

Lógin um kommunalt samstarv, sum hon nú er orðað, áleggur kommununum at vera í ávísum samstarvi um eldraøkið.

Landsstýrið hevur spurt kommunurnar, hvat tær halda um at broyta lógina um kommunalt samstarv, t.e.lógina um eldraøkið, soleiðis, at eldraøkið verður lagt út til hvørja einstaka kommunu sær, sum so kann velja at umsita økið einasamøll ella saman við øðrum kommunum.

Tá eldraøkið varð lagt út til kommunurnar í 2015, varð sagt, at skipanin skuldi endurskoðast í 2019.

Men hon verður longu endurskoðað í ár.

Er kopiera
Nýggjastu sendingar í ÚV
Mánadag 8. august
Morgunlestur mánadagur 8. august 2022
143006
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750