Fíggjareftirlitið kannað donsk bústaðarlán

06.09.2018 - 10:28
AktueltPengar
Fíggjareftirlitið kannað donsk bústaðarlán
Danska Fíggjareftirlitið hevur kannað støðuna viðvíkjandi bústaðarlánum, nú rentan er søguliga lág, og bústaðir eru dýrir.
 

Rentan er søguliga lág, og bústaðirnir kosta nógv at keypa. Hetta kann sum frá líður enda við, at tey, sum hava keypt bústað, koma í neyð, og hvørki hava ráð til at búgva í teimum ella selja teir.

Og peningastovnarnir verða noyddir til at skriva niður lán hjá fólki. Hetta hevur danska Fíggjareftirlitið nú kannað.

Fíggjareftirlitið hevur spurt 15 stórar og miðalstórar peningastovnar í Danmark um fígging til bústaðir í økjum, har sum fólkavøksturin er stórur, tað eru Keypmannahavn og grannakommunurnar og Århus.

Fyribils niðurstøðan er, at nógvir peningastovnar hava lænt fólki pengar, sum ikki fara at klára eina niðurgongd í bústaðarprísinum.

Í meira enn helvtini av spurdu peningastovnunum er meira enn 15 prosent av útlánunum til fólk, sum hava keypt bústað, hóast ogn teirra er negativ. 

Fíggjareftirlitið sigur, at kanningin hjá tí vísir, at nógvir peningastovnar ikki halda reglurnar á hesum øki.

Fíggjareftirlitið letur hetta ikki fara aftur við borðinum, og ætlar tí at herða eftirlitið við hesum peningastovnum.

Føroyar eru ikki við í hesari kanningini hjá danska Fíggjareftirlitinum, hóast tað eisini hevur eftirlit við teimum fýra peningastovnunum í Føroyum. 

Er kopiera
Nýggjastu sendingar í ÚV
Mánadag 23. mai
Avljóð og umljóð
139522
Mánadag 23. mai
Góðan morgun Føroyar 23.05.2022
139993
Mánadag 23. mai
Morgunlestur mánadagur 23.mai 2022
139978
Sunnudag 22. mai
Guðstænasta í Elduvíkar kirkju
139964
Nýggjastu sendingar í SV
Sunnudag 22. mai
Andaktin
139968
Sunnudag 22. mai
Guðstænasta í Elduvíkar kirkju
139969
Hósdag 19. mai
Sært tú meg 2:3
139885
Mánadag 16. mai
3-2
139731
Sunnudag 15. mai
Andakt við Andriasi Magnussen
139652