Grønlendska samgongan mist meirilutan

Grønlendska samgongan mist meirilutan
Grønlendski landsstýrisformaðurin, Kim Kielsen, ætlar ikki at skriva út val, hóast samgongan hjá honum hevur mist meirlutan.
 
10.09.2018 - 11:51

Politiska støðan í Grønlandi er íkomin, tí Parti Naleraq í gjár fór úr samgonguni. Ósemja er um, hvør skal fíggja floghavnir í Grønlandi.

- Samfelagið hevur ikki brúk fyri einum vali nú, og tað er heldur ikki mítt mál, sigur Kim Kielsen, grønlendskur landsstýrisformaður, við grønlendska blaðið Sermitsiaq. Hann sigur seg vóna at fáa aðrar flokkar í landstinginum at samstarva.

Landstingið er ikki saman í løtuni, og skal Kim Kielsen leggja frá sær, er neyðugt at kalla tingið saman. Landstingið kemur saman aftur 28. september.

Jens Napaattooq, politiskur talsmaður hjá Partii Naleraq, hevur oftari enn eina ferð hótt við at fara úr landsstýrinum.

Løkke til Grønlands

Og nú Lars Løkke Rasmussen, forsætisráðharri, fer óvæntað til Grønlands í dag at hitta Kim Kielsen, gjørdi hann álvara av hóttanini.

Endamálið við fundinum millum Lars Løkke Rasmussen og Kim Kielsen er ein avtala, sum ber í sær, at danska stjórnin setur fleiri milliónir krónur av til undirstøðukervið í Grønlandi, skrivar Sermitsiaq.

Lars Løkke Rasmussen og Kim Kielsen fara at samráðast um, hvussu danska stjórnin kann seta pening í grønlendska partafelagið Kalaallit Airports, sum skal byggja tríggjar floghavnir í Grønlandi.

Samstundis skal Danmark verða partaeigari í felagnum.

Misti meirilutan orsakað av floghavnunum

Tað vakti ans, tá tað frættist, at ein stór kinesisk byggifyritøka varð undangóðkend at bjóða upp á arbeiðið at gera floghavnirnar í Grønlandi.

Bæði danskir og amerikanskir myndugleikar hava sagt, at teir stúra fyri, at Kina á henda hátt kemur inn gjøgnum bakdyrnar og fær ov stóra ávirkan á Grønlandi.

Partii Naleraq vil ikki hava pengar úr Danmark til floghavnirnar, og flokkurin fer tí úr samgonguni, skrivar grønlendskir miðlar.

Val var í Grønlandi 24. apríl. Landsstýrið varð skipað 11. mai. 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592