Føroyar vunnu á Malta

Føroyar vunnu í dag á Malta í triðja umfari á talvolympiaduni í Georgia.

Úrslitið var 2½-1½. Carl Eli Samuelsen vann á fjórða borði og gjørdist føroyskur sigursharri í dystinum. Helgi Dam Ziska, John Rødgaard og Martin Poulsen telvaðu allir javnt.

Hægri styrkitøl
Føroysku telvararnir høvdu væl hægri styrkitøl enn mótstøðumenninir, men fingu kortini harða mótstøðu á øllum borðum. 

Føroyar hava vunnið tveir dystir og tapt ein á talvolympiaduni higartil. Fjórða umfar verður í morgin.