Nógvar íløgur, halda aftur í rakstri í Fuglafirði

So nógvar íløgur eru nú i Fuglafirði, at neyðugt er at halda aftur í rakstrinum, sigur kommunan.

Býráðið í Fuglafirði samtykti í gjárkvøldið fíggjarætlanina fyri 2019.

Sambært fíggjarætlanini javnvigar hon við 164,3 mió.kr. 

Men neyðugt verður at læna 19,2 milliónir til skúlan og brúka 29 milliónir av tí, sum kommunan hevur á bók, til at fáa javnvágina.

Íløgurnar í Fuglafirði næsta ár verða 19,4 mió. kr., 40 prosent, størri enn í ár.

Skattaprosentið verður tað sama sum í ár, 21,5.

Barnafrádrátturin verður eisini tann sama sum í ár, 6.500 kr.