Vunnu aftur greitt á Grønlandi

Føroyska hondbóltslandsliðið hevur seinastu tveir dagarnar víst, at teir hava ment seg nógv og flutt seg rætta vegin.

Føroyar vunnu í kvøld 27-17 á Grønlandi. Í gjár vunnu Føroyar eisini stórsigur á Grønlandi, úrslitið bleiv tá 37-22.

Toppskjútti hjá Føroyum í kvøld varð Allan Norðberg við fimm málum.

Føroyska landsliðið spælir aftur 10.apríl, tá er EM-undankappingardystur ímóti Ukraina á skránni.