Fleiri doyggja í donsku ferðsluni

Fleiri doyggja í donsku ferðsluni
Nýggjastu tølini fyri ferðslutrygd í Danmark vísa eina heldur keðiliga gongd. Í 2018 doyðu 175 fólk í ferðsluni, í mun til 2012, tá 167 lótu lív
 
19.01.2019 - 16:20

Alt bendir á, at tann positiva gongdin í ferðslutrygdini í Danmark er steðgað upp. 

Tey nýggjastu fyribils-tølini frá danska ferðsluráðnum vísa, at fleiri doyðu í ferðsluni í 2018, enn tað gjørdu í 2012. 

Í 2018 doyðu 175 fólk í ferðsluni, sum eisini var talið á deyðum í ferðsluni í 2017. Í 2012 var hetta talið tó 167.

Sostatt eru danskarar langt frá at røkka málinum um, at í 2020 skulu í mesta lagi vera 120 deyðsvanlukkur í ferðsluni. 

Tølini ørkymla stjóran í danska ráðnum fyri ferðslutrygd, Mogens Kjærgaard Møller, sum heldur orsøkina vera atburðin hjá bilistum.

- Tað er eingin ivi í, at størsti trupulleikin er atburðurin í ferðsluni. Nærum allar ferðsluvanlukkur komast av óskynsamum og ólógligum atburði í ferðsluni. Ov høg ferð og manglandi uppmerksemi eru størstu syndarar, og eru tað viðurskifti, sum vit sjálvi kunnu stýra, sigur hann við JyllandsPosten. 

Ein orsøk til manglandi uppmerksemi í ferðsluni er millum annað fartelefonin. Hóast tað er ólógligt at brúka telefonina, tá tú koyrir bil, forðar tað tíverri ikki fyri telefonnýtslu í ferðsluni. 

Tí hevur danska ráðið fyri ferðslutrygd sett eitt átak í verk, ið sambært stjóranum, skal vera við til at seta sjóneykuna á rættan og sømiligan atburð í ferðsluni.

- Vit skulu skapa ein trend, har dentur verður lagdur á atburðin í ferðsluni. Við bólkatrýsti vilja vit gera tað soleiðis, at tað ikki kann góðtakast at brúka fartelefonina í ferðsluni, sigur hann. 

Danmark hevur leingi ligið millum fimm bestu londini, tá tað snýr seg um ferðslutrygd í Evropa. Men við teimum nýggjastu tølunum er tað møguligt, at Danmark dettur nøkur pláss niður, sigur Mogens Kjærgaard Møller.

 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592