Google 373 milliónir í bót frá myndugleikunum

Google 373 milliónir í bót frá myndugleikunum
Leitisíðan Google hevur fingið eina risabót fyri at bróta reglurnar hjá ES um dátuvernd
Franska dátueftirlitið hevur givið Google eina bót uppá 373 milliónir krónur fyri at bróta nýggju reglurnar hjá ES um dátuvernd, eisini kent sum GDPR
 
22.01.2019 - 07:28

Myndugleikarnir í Fraklandi hava givið leitisíðuni Google eina bót uppá 373 milliónir krónur. Google kunnar ikki á nøktandi hátt, hvussu fyritøkan brúkar upplýsingar, sum verða savnaðar inn frá brúkarunum, stendur í avgerðini.

Franska dátueftirlitið hevur givið Google bótina fyri at bróta nýggju reglurnar hjá ES um dátuvernd, eisini kent sum GDPR, skrivar franska tíðindastovan, AFP.

Í avgerðini frá franska dátueftirlitinum stendur, at Google upplýsir ikki greitt, hvussu upplýsingar, sum brúkarar leggja eftir seg á netinum, verða brúktar. 

Google: Fólk seta høg krøv til okkum

Tað er torført hjá brúkarunum at bæði skilja og stýra, hvussu upplýsingarnar hjá brúkarunum verða brúktar, vísir franska dátueftirlitið á. Serliga í mun til lýsingar á netinum.

- Fólk seta høg krøv í mun til gjøgnumskygni og eftirlitið hjá okkum, sigur ein talsmaður hjá Google eftir avgerðina hjá myndugleikunum í Fraklandi.

Google fer nú at gjøgnumganga avgerðina áðrenn støða verður tikin til, hvat fyritøkan skal gera, so hon livir upp reglurnar, skrivar franska tíðindastovan, AFP.

Er kopiera
Nýggjastu sendingar í ÚV
Fríggjadag 29. november
Vikuskiftið 29 nov 2024
184410
Fríggjadag 29. november
Breddin: Fráflyting og altingsval
184380
Fríggjadag 29. november
Góðan morgun Føroyar
184364
Fríggjadag 29. november
EM-trok #1: Vit kenna væl Sveis
184332
Nýggjastu sendingar í SV
Fríggjadag 29. november
3-2
184417
Fríggjadag 29. november
Veðrið
184408
Fríggjadag 29. november
Dagur og vika - teknmálstulkað
184321
Hósdag 28. november
Kanst tú siga farvæl? (1:2)
184255
Mikudag 27. november
Kanst tú siga farvæl? (2:2)
184254