Landsverk: Mannagongdir á Landsverki eru tryggar

bannari
24.01.2019 - 08:45
AktueltSamfelag
Landsverk: Mannagongdir á Landsverki eru tryggar
Í skrivi sigur Landsverk, at tað harmar núverandi leiðslu og starvsfólk almikið, at stovnurin er komin í hesa vanlukkuligu støðu viðvíkjandi Glasi
 

Leiðslan á Landsverki vísir staðiliga aftur, at rokningar liggja og flóta runt á stovninum, og eisini verður sagt, at eingin í verandi leiðslubólki hevur verið partur av byggiverkætlanini í Marknagili.

Í skrivi sigur Landsverk, at tað harmar núverandi leiðslu og øll starvsfólk almikið, at stovnurin er komin í hesa vanlukkuligu støðu við verkætlanini Glasi. 

- Øll starvsfólk, ið hava arbeitt við hesi verkætlan hava gjørt sítt allarítasta fyri at koma á mál við henni til upplatingardagin, og at fíggjarliga yvirlitið hvarv móti endanum í byggitilgongdini, er ein staðfesting, sum vit nú mugu fyrihalda okkum til, liva við, læra av og skjótast fáa í rættlag, stendur í skrivinum.  

Landsverk vísir á, at í byggimálum kann ein rokning liggja leingi, tí ósemja kann vera millum partarnar um, hvørt veitingin er framd sambært avtalu, og um upphæddin samsvarar við tað, sum gjørt er. 

Tær rokningar, sum liggja í skipanini í sambandi við verkætlanina Glasir, har ein rokning er heilt afturi frá 2015, liggja har framvegis, tí ósemja er millum byggiharra og veitara í gerðarrættarmálinum, sigur Landsverk.

- Núverandi leiðsla arbeiðir av øllum alvi við at fáa eitt samlað yvirlit yvir fíggjarliga partin í hesi verkætlan og við at fáa avstemmað rokningar í mun til tað, sum er umbiðið og gjørt. Harafturat er samskifti í gongd við nakrar av veitarunum, har ósemja er um støddina á ávísum rokningum.

Sum virkandi stjórin á Landsverki, Árant Andriasson, vísti á í tíðindasendingini í útvarpinum á middegi týsdagin, er fult yvirlit yvir tær rokningar, sum eru komnar til Landsverk eftir avhending, og hesar eru skrásettar í almennu gjaldsskipanini, stendur í skrivinum. 

Óvissan, ið enn er, snýr seg um, hvørt tað koma fleiri rokningar, ið Landsverk sum byggiharri ikki hevur roknað við, og sum núverandi leiðsla ikki er vitandi um. 

At enda skrivar Landsverk soleiðis:

- Eingin í verandi leiðslubólki á Landsverki hevur verið beinleiðis partur av hesi verkætlan ella luttikið á nøkrum mánaðarligum fundi millum Landsverk og Mentamálaráðið um byggiverkætlanina Glasir, og hava tí ikki havt neyðuga innlitið í verkætlanina.

Orsakað av hesum hevur tað tikið tíð at fáa fult yvirlit yvir fíggjarstøðuna í sambandi við verkætlanina, skrivar Landsverk i almennum skrivi seinnapartin.

 
Nýggjastu sendingar í ÚV
Hósdag 1. oktober
Morgunlestur hósdagur 1. oktober 2020
113943
Mikudag 30. september
Breddin
114184
Mikudag 30. september
Nón 30. september 2020
114176
Mikudag 30. september
Góðan morgun Føroyar 30.10.2020
114160
Mikudag 30. september
Morgunlestur mikudagur 30. september 2020
113941
Nýggjastu sendingar í SV
Mikudag 30. september
Úr savninum: Matur og matgerð
114180
Mánadag 28. september
3-2
114081
Sunnudag 27. september
Guðstænasta úr Kollafjarðar kirkju
114003
Sunnudag 27. september
Andakt við Ólavi Jacobsen
114007
Mikudag 23. september
Úr savninum: Matur og matgerð
114188