Kavin ávirkar ferðsluna

Nógvi kavin, ið er niðurkomin í nátt ávirkar eisini ferðsluna.

Landsverk sigur, at koyrandi er ikki til Gjáar, Kirkjubøar og Syðradals á Streymoynni. Heldur ikki er koyrandi á Oyggjarvegnum. Nógva staðni eru vegirnir heldur ikki grivnir í fullari breidd.

Kavin ávirkar eisini koyringina hjá Bygdaleiðum. Fleiri leiðir hjá Bygdaleiðum við Skálafjørðin eru avlýstar. Eisini eru aðrar leiðir avlýstar. Meira sæst á heimasíðuni hjá Strandferðsluni um bygdarleiðir.